LINK! INSPIRATIE

LINK! INSPIRATIE

Dichter Egbert Hovenkamp verraste ons met een prachtig gedicht tijdens het radioprogramma ‘podium’ van RTV Drenthe op 6 December 2014. Een mooie opvolger van het gedicht in 2013.

2014


D’r waden alweer meneuvels op de scheuvels
de körte boks kan underhaand weer an
en dan kunj op pad naor
waor aj stemmen heuren kunt
in een sfeer die as angenaom is
niet te groot
’t mot d’r umhen passen
zun eerste maol
’t is d’r kommen umdat ’t d’r in zat en
nou is ’t d’r
leeidties van overaal umheer
vanneis kleurd deur dizze stemmen
die as een link hebt met
wat d’r leeft
leeiver gien koor maor een zaanggroep
waorin as altied weer neie stemmen zuch prissenteert
’t hoeswaark is daj stemmig blieft
een elftal an stemmen stun d’r vanzölf
en daor gung ’t hen;
arrangementen
a-capella
en begeleid
in wel wet wat kommen geeit

2013


leg de link
link de stem
laot heuren wat zuch ofstemt
wat meziek zingen lat
dat meziek de link lèeg tussen heufd en haart
vrouwen zingt mannen in
en lèegt de link
en keer weerum
maar…lèeg de link
stem je of op waor aj met instemt
wees de link
gao de plaanken op en
maok de verschillen eein stem
brèeng je stem met en
laot heuren
waor de link lig
straol oet dat je stem zingt
zoas de link klinkt